Wezareta Derve ya Amerîkayê belav kiriye ku her kes an aliyek, 4 kesên xelkê Çînê ku li dabînkirin û veguhastina alavên pêşketî yên elektronîkî bo rêjîma Îranê, zanyariyeke serast bide Amerîkayê, dê heta 15 milyon Dolaran bê xelatkirin û ewlehiya wî bê parastin.

Wezareta Derve ya Amerîkayê li roja Çarşemî 29ê Reşemeya 1403 a Rojî, bi belavkirina daxuyaniyekê daye zanîn ku her kes an aliyek, 4 hevkarên rêjîma Îranê ku xelkê Çînê ne, bi navên “ Zong Yêlay, Lî Boşê, lî Yong Şêng û Yong Yû Wa” ku li dabînkirin û veguhastina alavên pêşketî yên elektronîkî bi awayê qaçax bo rêjîma Îranê, zanyariyeke serast bide Amerîkayê dê heta 15 milyon Dolaran bê xelatkirin û veguhastin û ewlehiya wî bê dabînkirin.

Herwisa li vê daxuyaniyê de hatiye ku spaha pasdaran a terorîst wan alavan li berhemanîna çekên pêşkevtî de bi kar tîne.

Pêka gotina berpirsên Amerîkayê, rêjîma Îranê bi wan alavan çekan berhem tîne û bi kesên hikûmî an nehikûmî difroşe û dahata vê bo “kiryarên terorîstî”, ji aliyê spaha pasdaran ve tê bikaranîn.

Wezareta Derve ya Amerîkayê daxwaz ji xelkê dike ku her zanyariyek pêywendîdar bi wan kesan an torên maliyên wan, bi rêyên ewleh, bo berpirsên Amerîkayê bişînin.