Peyama Hizba Dêmokrat li derheq tevdaniy a panturkizm û handana navendên rêjîmê bi dijî xelkê Kurd li Urmiyê

Piştî birêveçona rêûresma bi şan a Newrozê li roja Sêşemî 28ê Reşemê li bajarê Urmiyê ku bi beşdariya zêdetir ji 100 hezar kes ji xelkê Kurd li bajarê Urmiyê û herwisa hejmarek berçav ji Tirkan bi rê ve ço, kêmîneya panturkîst bi dijayetîkirin û hevkariya navendên ewlehî ên komara îslamî, li roja Dûşemî 2ê Xakelêweyê de bo nîşandana nerizayetî li hember rêûresma Newrziya Kurdan, xwenîşandanek goseîlkbidest û tund bi dirûşmên netifaqiyê û bi dijî seha jiyana aşitîxwazane, bi rê ve birin. Wan heta bi armanca bikaranîna seha olî ya xelkê û belavkirina kîn û dujminatiya zêdetir bi dijî xelkê Kurd, li banghêjîya çend rojan berî niha taybetî 21ê Remezanê hilbijartibûn ku hevdem digel salvegera şehîdbûna “Îmam Elî” bû. Bi vê armancê, heta ji bajarên din jî bi otobûsan, xelkê anîbûne bo bajarê Urmiyê.

Bê guman, ew cure reftarên dûr ji şaristaniyane a panturkîzmê, pîlaneke rêkxistinkirî ye û bilî, fitneçêkirina li navbera welatiyên Kurd û Tirk ên vê parêzgehê, ku pêştir jî ceribandineke tal li wî warî de hebûye, ti qazancek nîne û zirarkerê bingehîn bi tenê, gelên Kurd û Tirk ên vê parêzgehê ne.

Hizba Dêmokrat a Kurdistana Îranê tevî şermezarkirin a  vê reftara hevpar a panturkîzm û navendên ewlehî yên komara îslamî, daxwazê ji rewşenbîr, kesayetî û civaka medenî a Tirk dike ku helwîsta pevrejiyan û şaristaniyetê hebin û rê nedin ku ew cure kiryarane, pirsgirêk û dijayetiyê bêxine nav her du gelên Tirk û Kurd.

Hizba Dêmokrat a Kurdistana Îranê li ser vê bawerê ye, li vê serdemê de civaka Kurd û Tirk, zêdetir ji hemû caran, hewcehî bi pevrejiyana aştîxwazane heye, ew du gel ku sedan sale bi hev re li vê niştimanê de dijîn û heta pêwendiyên gelek zêde yên ciwakî û xizmatî jî li navbera wan de hene, mafên wan e û hewceye jî ku zêdetir geşê bi biratî û pevrejiyana aşitîxwazaneya xwe bidin.

Em daxwazê ji civaka medeniya hişar a her du gelên Kurd û Tirk û kesayetiyan, rewşenbîran û mamostayên Olî yên vê parêzgehê dikin ku rêgiriyê ji her cure hewlek regezperestaneya bi vê şêwazê bigrin û pêka şiyana xwe hewla zelalkirin û berçavroniyê bo xelkê xwe û eşkerekirina destê nehezan, bidin.

Hizba Dêmokrat a Kurdistana Îranê

Desteya Kargêrî

3ê Xakelêweya 1404 a Rojî