Rêjîma Îranê bo veguhastina nefta xwe, nav û belgeyên sexte bi kar tîne û Wezîrê Nefta Îraqê tevî piştrastkirina vê yekê daye zanîn ku rêjîma Îranê belgeyên sexte li ser navê Îraqê çêkirine.

Roja Dûşemî 4ê Xakelêweya 1404 a Rojî, “Heyyan Ebdulxenî”, Wezîrê Nefta Îraqê li hevpeyvîneke têlêvîzyonî de digel kanala “El-Eraqiye”yê de eşeke kir ku rêjîma Îranê bi çêkirina belgeyên sexte, hewla dorlêdana dorpêçên bo ser nefta xwe dide.

“Heyyan Ebdulxenî”, tevî tekezî li ser vê sextekariya rêjîma Îranê daye zanîn ku bi rohnî bi Amerîkayê ragihandiye: “neftkêşên ticarî yên Îranê bi armanca dorlêdan a dorpêçan belêgeyên sexte yên Îraqê bi kar anîne û wan belgeyan ti pêwendiyek bi Îraqê ve nîne”.

Wezîrê Nefta Îraqê ragihand ku hemû neftkêşên me bi rêya esmanî têne kintrolkirin û li jêr çavdiriya esmanî ya “Tanker Truckers” de ne û bilî wan, me ti veguhastineke neftê nekiriye.

Eşkerekirina vê sextekariya rêjîma Îranê li halekê de ye ku givaşên navnetewî bo ser rêjîma Îranê bo cîbicîkirin a dorpêçan gelek zêde bûne û bi vê yekê dixwazin rêgirî ji destpêregihîştina vê rêjîmê bi dahata neftê bikin ku li bernameya aloz a navkî û herwisa geşadan bi terorîsma navnetewî, bi kar tîne.

Çend rojan berî niha jî, neftêşeke bê nav û nîşan ji aliyê hêza deryayî ya Îraqê ve li kendavê hate sekinandin ku hilgirê nefta qaçax bû û xwdiyê vê gemiyê jî kesekî Îranî bûye û gemî û kesên li vê gemiyê de bo navendên pêwendîdar ên Îraqê hatine veguhastin.