Serokwezêrê Îsraîl Huşdarî da, hekî Hemas barimteyan azad neke, dê beşek ji Xezê ji aliyê Îsraîlê ve dest bi serde bê girtin.

Roja Çarşemî 6ê Xakelêweya 1404 a Rojî, “Binyamîn Netanyaho” ê Serokwezîrê Îsraîl Huşdarî da, hekî Hemas barimteyan azad neke, givaşên me dê gelek zêdetir bibin û dê beşek ji Xezê ji aliyê Îsraîlê ve dest bi serde bê girtin.

Huşdarîdana Serokwezîrê Îsraîl li halekê de ye ku “Îsraîl katz” ê Wezîrê Berevaniya Îsraîl ragiahnd: Artêşa Îsraîl dê bi hêzeke tevav oprasiyonan li devereke din a Xezê de dest pê bike û piştre “Awîxay Adra`î”, ê Berdevkê Artêşa Îsraîl fermana valakirina çendîn deverên Xezê û derdora vê da.

Herwisa hezaran kes ji xelkê devera bakûra Xezê hatine ser şeqaman û daxwaza derketina Hemasê ji Xezê kirin, ew yekem care ku bi awayek berfireh, xelkê Xezê bi lidarxistina xwenîşandanê, nerizayetiya xwe li hember mana milîsên Hemasê li Xezê de didin xuya û daxwaza derketina wan milîsên ser bi rêjîma Îranê dikin.

Pêka raporên belavbûyî, berdevkê Hemasê yê bi navê “Ebulletîf Elkano” li devera Cebaliya li bakûrê Xezê li êrîşeke esmanî ya Îsraîlê de hatiye kuştin.