Balafirên Amerîkayê, binke û enbarên cebilxaneya Hûsiyên Yemenê li parêzgeha “Seida”yê kirine armanc û jinav birine, Hûsiyên Yemenê ew êrîş piştrast kirin.

Hûsiyên Yemenê êw êrîşên esmanî piştrast kirine lê li derheq xisarên pêketî bi wan enbarên cebilxaneyan, ti zanyariyek belav nekirine.

Pêka rapora El-Erebiye, balafirên bombhawêj ên Amerîkayê li 3 êrîşên cuda de, devera “Alê Salim” li parêzgeha “Seida”yê de kirine armanc û herwisa cihê avêtina mûşekên Hûsiyan jî bo cara sêyem hatiye bombebrankirin û hewrisa çendîn êrîşên esmanî li parêzgeha Emranê de jî hatine kirin.

Pêka raporekê Artêşa Amerîkayê li bombebarankirina  enbarên cebilxaneya Hûsiyên Yemenê, bo yekem car bombên pêşkevtî bi kar anîne ku şiyana teqandina enbarên gelik kûr ên binerd hene. Pêka raporeke malpera “Defens Layn” Hûsiyên Yemenê bi alîkariya spaha apsdaran a terorîst û hizbullaha Lubnanê, enbarên binerd li çiyayên parêzgeha “Seida”yê çê kirine.

Hûsiyên Yemenê jî pêştir îdia kiribûn ku bi dironan êrîş kirine ser gemiya balafirhilgir a “Herî Trûmen” û hejmarek gemiyên şerker ên digel vê gemiyê, lê zanyariyek zêdetir belav nekirin.