3 berpirsên ewlehî yên rêjîma Îranê bi sedema rola wan li dizîn û veguhastina “Robert Levinson” ê Amerîkayî, li listê dorpêçan hatne zêde kirin.

Wezareta Xezînedarî û Wezareta Derve ya Amerîkayê bi belavkirina daxuyaniyeke hevpar, “Riza Emîrî Meqde, Xulamhusên Mehemedniya û Teqî Danişwer” ên karbidestên payebilind ên wezareta itilaat a rêjîma Îran ê, bi sedema rola wan li dizîna “Robert Levinson” ê karmendê berê yê “FBI” ya Amerîkayê ji girava “Kîş” li kendavê û bêserşûnkirin û mirina wî kesê Amerîkayî, li lîstê nû yê dorpêçan de tomar kirin.

Herwisa “ Scott Bessent”ê Wezîrê Xezînedariya Amerîkayê ragihand: “Reftara rêjîma Îranê digel Robert Levinson, xaleke tariya din bi ser pêşîneya reş a rêjîma Îranê li warê binpêkirina mafê mirov, tê hisêb.

18 sal berî niha, “Robert Levinson” ku wek lêkolerekî kerta taybet mijûlê kar bû û bi armanca komkirina zanyariyan li derheq gendeliyeke malî ku destê serkomarê berê yê rêjîmê “Elî Ekber Haşimî Refsencanî” jî li vê gendeliya malî de hebû, li girava “Kîş”ê de hate revandin û hate bêserşinkirin.