Eniya Yekgirtiya Kurd tevî bilindragirtina vê hilkeftê, daxwaz ji xelkê Kurdistanê kir ku bo rêzgirtin ji şehîdan, li vê rojê de rêûresmên Newrozî û ti şayiyeke din bi rê ve nebin.

Deqa daxuyaniyê wiha ye:

Li 10ê Xakelêweya 1326 a Rojî de, “Pêşewa Qazî Mihemed” Serkomarê Kurdistanê û “Sedir Qazî” û “Mihemedhusênxanê Seyfê Qazî”, li meydana “Çarçira” de bi destê rêjîma qirêje pehlewî hatine sêdaredanê.

Ev roja li 10ê Xakelêweya 1391 a Rojî de bi pêşniyara çalakvanên siyasî û medenî û kesayetiyên Kurdistanê, bi roja “Şehîdên Kurdistanê” hate navdêrkirin û erêkirinê.

10ê Xakelêwê, roja “Şehîdên Kurdistanê” salvegera wan hemû ezîzan e ku li pêxema keramet, maf, dadperwerî, jîngeh, ziman û vekhevî û azadî bo bidestveanîna serweriya siyasî li çeperên cur bi cur ên parastina ax û niştiman de, canê xwe fîda kirine.

Eniya Yekgirtiya Kurd tevî destxweşîkirin li hemû xelkê netirs û niştimanperwer bo vê rêûresma nasnamexwazaneya bê mînak ku li Newroza îsal hatine lidarxistin, daxwazê ji hemû birêveberên siyasî, medenî, çandî û bi taybet birêveberên rêûresman dike ku li vê rojê de bo rêzgirtin ji şehîdên me, ti rûresmeke Newrozî heta dawiya vê rojê, bi rê ve nebin.

Yada wan bilind û bi rêz û rêka wan tejî rêvîng be

Eniya Yekgirtiya Kurd

8ê Xakelêweya 2725