Artêşa Amerîkayê li çend êrîşên dijwar bo ser bajarê Sen`ayê, binke û navendên Hûsiyên Yemenê kirine armanc lê heta niha amareke serast ji xisaran belav nebûye

Hêza Esmanî ya Amerîkayê li demjimêrên sibêdeha roja Înê 8ê Xakelêweyê, bi balafirên stratejîk ên cura B2 çendîn dever li Yemenê bi taybet çend taxên bajarê Sen`ayê, binke û enbarên Hûsiyên Yemenê kirine armanc û teqandine.

Tevî ku êrîşên esmanî yên Amerîkayê ji 2 heftiyan berî niha ve gelek zêde bûne û xisarên giran bi enbarên cebilxaneyên Hûsiyan dane, amareke serast a wan xisaran hêj belav nebûne.

Pêka dawî raporên belavbûyî, berpirsekî Hûsiyên Yemenê bi navê Ebdulhekîm Elxeywanî, ku berpirsê ewlehî û îtilaata Hûsiyan bû, li êrîşa vê dawiyê ya roja Înê  de hatiye kuştin.

Hûsiyên Yemenê bi piştevaniya malî û cebilxaneya rêjîma Îranê bi taybet diron û mûşekan, ewlehiya deryayî li deryaya sor û heta deryaya Hind xistiye metirsiyê.

herwisa Hûsiyên Yemenê li cîbicîkirina fitneyên rêjîma Îranê li deverê de, digel spaha pasdaran a terorîst hevkariyê dike.