Deqa peyamê wiha ye:

Xelkê niştimanperwer ên Kurdistanê!

Jinên bivêr û xwedî seh!

Îsal jî wek salên derbasbûyî, xelkê Kurdistanê bi morel û gurûtîneke nû, mijûlê xweamadekirin bo pêşewazî li Newroza Kurdewarî ye û bi vê armancê jî, beşeke berçav ji xelk û çalakvanên medenî yên Kurdistanê, bi diyarîkirin a “Şêwraya Ferhengî ya hilkeftên Rojhilatê Kurdistanê” li gazîkirinekê de tevî daxwaz ji xelkê Kurdistanê bo beşdarbûn li rêûresmên Newroza Kurdistanê, navê Newroza 2725 a Kurdî, bi “Newroza Xakîpoşan” navdêr kirine.

Newroz wek hilkeftek mezin a netewî, bûye derfetek bo nîşandan û selimandin a nasname û hezkirin li nîştiman.

Li heyama salên derbasbûyî, jinan beşdariyek gelek girîng li tekoşîna siyasî û netewî, bi taybet li rêûresmên Newrozê de habûn.

Jinan li birêveçon û pêşxistina rêûresmên Newrozê de, roleke girîng hene, beşdarîkirina jinan û ciwanan li şano û sitrandina sitranên Kurdî û çalakiyên Newrozê de cihê balkêşandin û nirxpêpdanê ye.

Yekîtiya Jinên Dêmokrat a Kurdistana Îranê, piştevanî li vê gazîkirin a çalakvanên medenî û xelkê Kurdistanê dike û daxwaz li jinên azadîxwaz û mafxwaz ên welat dike ku îsal jî wek salên pêştir, bi gurûtîn ve mil bi mil û hevrê digel mêran, li rêûresmên Newrozê de beşdariyê bikin û bi lixwekirina axabanî, hewrî û kincên xakî, berevanî li nasnameya xwe ya netewî bikin; Em hemû, yekdil û yekgirtî, careke din didin nîşandan ku heta gihîştin bi mafên xwe, bêsekinîn û li ser pêyên xwe, li meydanê de ne û bi şêwazên cur bi cur, hebûn û mafên netewiyên xwe radigehînin û li hember zewtkiriyên mafê xwe de disekinin. Careke din, wek serîhildanekê, li rêûresmên Newrozê de beşdariyê dikin û sirûda berxwedan û azadî û bivêriyê û sekinîn li hember dagîrkeran, disitrînin.

;Pîroz be “Newroza Xakîpoşan”

; Her geş be agirê Newroza me ya Kurdewarî

; Serbikeve xweragirî û xebata netewî û azadîxwazî û vekhevîxwaziya me li jêr sîbera tekoşîn a Bajar û Çiya

Komîteya Birêveberiya Giştî

Yekîtiya Jinên Dêmokrat a Kurdistana Îranê

9ê Reşemeya 2724 a Kurdî