Roja Şemî 9ê Xakelêweya 1404 a Rojî, yada 10ê Xakelêwe, roja “Şehîdên Kurdistanê” bi beşdariya hejmarek ji endamên rêberatiya Hizba Dêmokrat, malbatên serbilindên Şehîdan, kadir, pêşmerge û malbatên Dêmokrat, li yek ji binkeyên Hizba Dêmokrat de bi bilind hate ragirtin.

Li destpêkpê de ji aliyê rêzdar “Siyamend Terbî”, Pêşkêşkarê rêûresmê, bixêrhatinkirin li beşdarbûyan hate kirin.

Li destpêka rêûresmê de ji aliyê rêzdaran “Kawe Behramî û Hesen Qadirzade” endamên Desteya Kargêrî ya Hizba Dêmokrat a Kurdistana Îranê û herwisa rêzdaran “Fatime Qadirî, hevjîna Şehîd Hemdî Husêynî û Xedîce Pûrmend, hevjîna Şehîd Osman Osmanî” ve destiyek gul li ser gora Şehîd “Seyîd Selam Ezîzî” ve hate danîn.

Li beşa din de ji aliyê Kora Hunerî ya Hizbê ve, sirûda “Ey Şehîdan” bi beşdarbûyên rêûresmê hate pêşkêşkirin.

Piştre rêzdar “Xedîce Meizûrî”, endama Komîteya Navendî û berpirsa Navenda Komelatî ya Hizba Dêmokrat a Kurdistana Îranê, peyama taybet bi 10ê Xakelêweyê, pêşkêş kir.

Rêzdar “Xedîce Meizûrî”,  li beşeke peyama xwe de ragihand: “Li vê rojê de roja Şehîdên Kurdistanê, bo rêzgirtin ji rihê aramê hemû şehîdan, dest bi ser singê xwe datînin û li hember serê bilind ê Şehîdan, bejna xwe ditewînin û soz didin heta alaya Kurdistanê li ser bilindahiyên Kurdistanê bilind nekin û bûka azadiyê li himêz negirin, dest ji xebat û berxwedanê berdadin.  

Li beşa dawî ya rêûresmê de beşdarbûyan serdana pêşangeha wêneyên Şehîdan kirin û careke din peymana emegnasiya xwe bi rêbaza tejî serwerî ya Şehîdan nû kirin.