Têkoşerên Dêmokrat li berdewamiya çalakiyên teblîxî bi hilkefta 10ê Xakelêweyê, roja “Şehîdên Kurdistanê”, li çendîn gund û taxên bajarê Selmas û Urmiyê de çalakiyên teblîxî lidar xistin.

Endam û alîgirên têkoşer ên Hizba Dêmokrat a Kurdistana Îranê, li roja 9ê Xakelêweya 1404 a Rojî, çalakiyên teblîxî bi hilkefta 10ê Xakelêwe, roja “Şehîdên Kurdistanê”, li çendîn tax û gundên bajarê Selmas û Urmiyê de lidar xistin û wêne û posterên taybet bi vê rojê, belav kirin.

Wan têkoşeran li kolan û şeqamên bajarê Urmiyê bi taybet taxa Îslamabad a wî bajarê de poster, wêne û traktên taybet bi 10ê Xakelêweyê belav kirin.

Herwisa endam û alîgirên têkoşer ên Hizba Dêmokrat li kolan û şeqamên bajarê Selmasê û herwisa gundê Heftwanê, wêne, trakt û posterên taybet bi 10ê Xakelêweyê belav kirine.

Wan têkoşeran tevî lidarxistina wan çalakiyan, yada “Pêşewa Qazî Mihemed” û hevrêyên wî û hemû şehîdên Kurd û Kurdistanê bi bilind ragirtin û soza xwe digel rêbaza şehîdan dubare kirin û amadebûna xwe bo cîbicîkirina her erkek Hizbî, ragihandin