Roja Şemî 18ê Reşemeya 1403 a Rojî beranber bi 8ê Mars a 2025 a Zayînî, li welatê danmarkê de xwenîşandanek bi hilkefta roja cîhaniya “Jin” li bajarê “Arhûs”ê li welatê Danmarkê bi rê ve ço.

Ew xwenîşandan bi sirûda netewiya “Ey Reqîb” dest pêkir û tevî rêzgirtin ji roja 8ê Marsê, bi armanca piştevanîkirin li xebat û tekoşîna azadîxwaziya jinên Kurd û bi beşdariya berçav a Kurdên rûniştî li girava Yolend a welatê Danmarkê, bi rê ve ço.

Piştre xatûn “Solviya Munk” a çalakvana “Saziya Xaça Sor” li welatê Danmarkê, peyamek bi zimanê Danmarkî li derheq 8ê Marsê, pêşkêş kir.

Li beşeke din a vê xwenîşandanê de, xatûn “Şebnem Mamend” a endama Yekîtiya Jinên Dêmokrat a Kurdistana Îranê, bi hilkefta 8ê Mars û piştevanîkirin li xebata jinên Kurdistanê, peyamek bi zimanê Kurdî pêşkêş kir.

Xwenîşanderan bi dana dirûşma vekhevxwazî, piştevanîkirina xwe li xebat û tekoşîna azadîxwaziya jinên Kurd, dubare kirin