Zêdetir ji 150 çalakvanên siyasî û medenî yên Kurdistanê li derheq binçavkiriyên li rûresmên Newrozê de daxuyaniyek hevpar belav kirin û daxwaza azadkirina wan girtiyan kirin û herwisa cêşna Newrozê bi cêşna Yekîtî û hevgirtinê binav kirin.

Deqa peyamê wiha ye:

Cêşna Newrozê cêşna yekîtî û hevgirtinê ye û girtiyên vê cêşna netewî ji aliyê rêjîmê ve dibe bêne azadkirin.

Newroz, sîmbol û hêmaya nûbûn û dîmenek ji yekîtî û yekgirtinê ye, pevrejiyan û rewatîdan û aşitî li Newrozê de xwe dide xuya û parastina vê hilkefta kevnar e ku nirxên mirovî û rêzgirtin ji sirûşt û mafê mirovî, ji binyatên dêrîn ên vê rêûresma hezaran saleye ye. Newroza îsal li rewşeke gelek cuda û berfirehtir li Kurdistan û deverên din ên welat de bi rê ve çon. Li vê cêşna nûbûn û vejînê de hejmarek ji rêkxer û birêveberên vê rêûresma netewî, hatine girtin.

Ew li ser vê bawerê ne ku ew cêşna dêrîn ti nêzîkî û pêwndiyek bi kîn û tundutîjiyê ve nûne û gazîkirin bi aşitî, hezkirin û rêzgirtin ji nirxên bilind ên mirovî ye. Nabe hinek berçavtengî û dîtingeha kesîn, van rêûresman tal bikin. Hivî dikin ku kesên binçavkirî li vê cêşna pîroz de bêne azadkirin û malbatên wan ji nîgeraniyê derkevin.