Rêzdar Mistefa Hicrî, Sekreterê Giştî yê Hizba Dêmokrat a Kurdistana Îranê bi hilkefta 10ê Xakelêwe, roja Şehîdên Kurdistanê kombûnek digel malbatên şehîdan lidar xist.

Roja Înê 15ê Xakelêweya 1404 a Rojî ji aliyê beşa Şehîdan a Navenda Komelatî ya Hizbê ve bi beşdariya hejamrek ji endamên rêberî û herwisa malbatên serbilind ên şehîdan, kombûnek hate lidarxistin û ew kombûn bi sirûda netewî a “Ey Reqîb” û ragirtina bîstek bêdengî bo rêzgirtin ji canê paqîjê Şehîdan dest pêkir,

piştre ji aliyê rêzdar “Mehbûbe Ibtikar” a pêşkêşkar ve, xêrhatinkirin li beşdarbûyan hate kirin.

Piştre rêzdar Mistefa Hicrî Sekreterê Giştî yê Hizba Dêmokrat a Kurdistana Îranê bi hilkefta 10ê Xakelêwe, roja Şehîdên Kurdistanê gotarek li jêr navê “Kesayetiya Şehîd û rol û bandora malbatên serbilind ên şehîdan li tevgera Kurd bi giştî û Hizbê bi taybetî”, pêşkîş kir.

Rêzdar “Misefa Hicrî” li destpêka axaftinên xwe de îşare bi 10ê Xakelêweya sala 1326 kir ku Pêşewa Qazî Mihemed û hevalên vî ji aliyê rêjîma Pehlewî ve bi nerewa bidar vekirin.

Kak Mistefa di beşek ji axaftinên xwe de got: “niha bi hêviyê ve mêzeyî paşerojê dikin ku bi berhevdanîn digel pêştir hêviya me zêdetir e û hewce ye xelkê me li meydanê bin û malbatên şehîdan jî herwiha bi berdewamî moraldar bin. Em hivî dikin ku li heyamek kin de xelkê Kurdistanê bi taybet malbatên şehîdan, bigihîjin xweziyên wan ku bo vê qurbanî dane û bi salan e ku êşê dikêşin û li zehmetiyan de ne û ji vê êş û talatiyan rizgar bibin.

Rêzdar “Mistefa Hicrî” li dawiya axaftinên xwe de got: “Em bi hiviyê ve sala nû dest pê dikin û xebata xwe qahîmtir bi pêşve dibin û keyfxweşin ku Hizba Dêmokrat li nav dilê xelkê de ye û bi yekdengî, mil bi milê xelkê azadîxawz ên Îranê, xebata xwe didomînin. Em bi hêz in û bi mûşek û bombaranan serî naçemînin û rêbaza şehîdan berdewam dikin, serkevtin bo xelkê û neman bo komara îslamî ye.

Li dawiyê de beşdarbûyan serdana pêşangeha Şehîdan kirin û lewha rêzgirtin bi malbatên  şehîdan hatine pêşkêşkirin.