Amerîkayê li wan 2 rojên derbasbûyî de tevî xisarên giran ên malî ku rêjeya vê hêj nehatiye zanîn, zêdetir ji 70 milîsên Hûsî ku çendîn fermandeyên Hûsiyan û herwisa spaha pasdaran a terorîst di nav de bûne,li êrîşên giran ên esmanî de kuştine.

Pêka raporeke “Elerebiye”, Wezîrê ragihandina  dewleta yasayî ya Yemenê ragihandiye: “Amerîkayê li wan 2 rojên derbasbûyî de zêdetir ji 70 milîsên Hûsî digel çend fermandeyên Hûsiyan û herwisa spaha pasdaran a terorîst, li êrîşên esmanî de kuştine, ew yeka li halekê de ye ku xisarên gelek giran bi jêrxanên Hûsiyên Yemenê bi taybet, enbarên cebilxane, navendên mûşekî û dironiyên wan kevtine.

Heta niha amareke serast ji kuştî û birîndarên wan êrîşên dawî yên Amerîka bo ser Hûsiyên Yemenê nehatine belavkirin û herwisa amara kuştî an birîndarên spaha pasdaran a terorîst ku li navend û binkeyên wan milîsên ser bi rêjîma Îranê de bûne nehatiye zanîn.

Li wan çend rojên derbasbûyî de Hêza Esmanî ya Amerîkayê bi rêya balaforên stratejîk ên “B2 û B52” bi bombên mezin bi taybet ên 15 tonî, û herwisa çekên nû, navendên binerd û tûnelên Hûsiyên Yemenê ku enbarên mûşekî û dironî û herwisa cebilcxaneya wan milîsên ser bi rêjîma Îranê ne, li çendîn deverên Yemenê kirine armanc û jinav birine.