Pêka amarên ku berpirsên rêjîmê belav kirine, li encama qutbûna berq û gaz li Îranê, zêdetir ji 300 hezar milyard Tumen li sala 1403 a Rojî de xisar giheştiye pîşe anku seneta Îranê li beşên cuda de, lê li rastiyê de amara serast gelek zêdetir e.
Cihgirê dariştina bername ya wezareta “pîşe kangeh û ticaret”a rêjîmê “Seîd Şuca`î” li hevpeyvînekê de û herwisa nûnerê meclîsa rêjîmê “Mistefa Tahirî” li hevpeyvîneke têlêvzyonî de îtiraf kirine ku qutbûna berq û gazê li sala 1403 a Rojî de zêdetir ji 300 hezar milyard Tumen, xisar gihandiye pêşeya Îranê.
Pêka gotina wan berpirsên rêjîmê qutbûna berqê li demsala havîna 1403 a Rojî de zêdetir ji 173 hezar milyard Tumen û qutbûna gazê li demsala Zistanê de zêdetir ji 120 heta 130 hezar milyard Tumen, xisar gihaniye pîşeya Îranê, lê ti îşareyek bi xisarên li demsalên “Bihar û Payîzê” nekirine.
Amara serast a wan xisaran gelek zêdetir ji wan îtirafkirinên rêjîmê ye û bi şanoyên wiha, rêjîm dixwaze rêje û qasa xisaran û neşiyana xwe li birêvebirinê bi taybet li şikesta aborî de perdepoş bike û heta niha jî bilî sozên çewt, ti pêngawek bo qerebûkirina wan xisarên giran hilnegirtiye.
