Rapora amarî ya Hengawê derbarê 57 qurbaniyên teqîna mînê di sala 2024an de li Îranê bi hilkefta roja Cîhanî ya Hişyarkirina Medyayî ji Metirsiyên Mînê

Her sal roja 4ê Nîsanê, ji aliyê Civata Giştî ya Netewên Yekgirtî ve bi mebesta agehdarkirina metirsiyên teqîna mîn û navçeyên ku mîn tê de hatine çandin, û gulleyên neteqiyayî yên şer, wek “Roja Cîhanî ya Hişyarkirina Medyayî ji Metirsiyên Mînê” hatiye binavkirin. Ji bo vê mebestê, Saziya Mafê Mirovî ya Hengawê raporek amarî ji qurbaniyên mînan di sala 2024an de amade kiriye, ku tê de xuya dike ku di wî heyamî de herî kêm 57 hevwelatî li Îranê bûne qurbaniyên teqîna mînan.

Li gorî amarên tomarkirî li Navenda Amar û Belgeyan a Saziya Mafê Mirovî ya Hengawê, di heyama sala borî de, li navçeyên sînorî yên Îranê herî kêm 19 hevwelatî ji ber teqîna mîn û cebilxaneyên şer yên karnekirî hatine kuştin û 38 hevwelatiyên dinê jî birîndar bûne yan kêmendam bûne.

Herwiha di heyama sala borî de herî kêm 5 zarok û nûciwnên bin 18 salî û 4 jin jî bûne qurbaniyên teqîna mînê. Di nav van kesan de 3 zarok û jinek Belûç, 3 zarok û jinek Ereb û jinek Kurd hebûne.