Rêûresma Newroza Xakîpoşan bi hilkefta 10ê Xakelêwe, roja “Şehîdên Kurdistanê” û rêzgirtin ji vê hilkevta netewî hatibûne ragirtin lê li 11ê Xakelêweyê de careke din bi awayekî germûgur hatine lidarxistin.

Rêûresma Newroza Xakîpoşan li 10ê Xakelêweyê de bi armanca rêzgirtin ji roja “Şehîdên Kurdistanê” bi awayê demkî hatibûne sekinandin lê li 11ê Xakelêweyê de careke din bi germûgurî bi dirûşmên netewî û şoreşvanî, dest pêkirin.

Li gundê “Sewrasûre”yê ser bi bajarê Dêwulanê, gundê “Mûrt”ê ser bi bajarê Îlamê, bajarê Derşarê ser bi bajarê Îlamê, seyrangeha Şewelxê ya gundê “Noryaw”ê ser bi bajarê Pawê, bajarê Dêloranê ser bi parêzgezha Îlamê, bajarê “Çiwar”ê ser bi parêzgeha Îlamê û devera Erkwazî û Bulî ser bi parêzgeha Îlamê de hatine birêvebirin.

Ew rêûresma netewî ya xwedîderketin ji nasnameya Kurdî li rewşke ewlehî û tevî hemû rêgirîkirin û gefxwarinan ji aliyê rêjîmê ve, wek serîhildanek li hember înkar, asimîlekirin û sitema rêjîma Îranê bi germûguriyeke bê mînak bi beşdariya hezaran kesî, hatine lidarxistin û xelkê wan gund û bajaran bi kincên Kurdî, axabanî û hewriyan bi sirûdên şoreşvanî, li dora agirê Newroza Kurdewarî, Newroza Xakîpoşan kom bûn û ev hilkevt pîroz kirin û li gelek cihan de jî dirûşmên şoreşvanî wek “Jin Jiyan Azadî”yê dane û ji vê hêmaya nasnamexwaziya gelê Kurd, xwedî derketin.