Wezareta Xezînedariya Amerîkayê belav kiriye ku çendîn kes û navendên li Rûsiyê û herwisa tacirekî Îranî li Tirkiyê bi sedema rola wan li dabînkirina cebilxane û dabînkirina malî bo Hûsiyan, xistine nav lîstê dorpêçan.

Roja Çarşemî 13ê Xakelweya 1404 a Rojî, Wezareta Xexînedariya Amerîkayê bi belavkirina daxuyaniyekê daye zanîn ku çendîn kes û navendên li Rûsiyê û herwisa tacirekî Îranî ku karê Serafî li Tirkiyê de dike, bi sedema rola wan li dabînbkirina cebilxane bo Hûsiyên Yemenê û herwisa  firotina genimê Ukraynê yê ku hatibû dizînê û dana dirafê vê bi Hûsiyên Yemenê, li lîstê dorpêçan zêde kirine.

Pêka vê daxuyaniyê, “Hûşeng Xîret” ê tacirekî Efxanî yê Rûniştiyê Rûsiyê û birayê vê yê bi navê “Sohrab Xîret”  û çend kesên din ku bi hevahengî digel berpirsê malî yê Hûsiyan ê bi navê “Seîd Cemal” bi milyonan Dolar, alav û tişt ji Rûsiyê bo deverên jêr kontrola Hûsiyên Yemenê şandine.

Herwisa “Hesen Ceiferî” seraf û tacirê Îranî yê Rûniştiyê Tirkiyê ku bi milyonan diraf bo Hûsiyên Yemenê rêkiriye, kevte nava dorpêça Amerîka. Herwisa şirketeke Hongkongî û 2 kes ji xelkê Rûsiyê û gemiyeke ticarî jî li lîstê dorpêçan hatine zêdekirin.