Hevdem digel aloziyên zêdetire di navbera Amerîk û Îranê de û egera pevçon û êrîşa Amerîka bo ser rêjîma Îranê dem bi demê zêde dibe, nûnerên Komarîxwazan li Kongira Amerîkayê de daxwaz kirin ku bila Amerîka givaşên xwe bo ser rêjîma Îranê zêdetir biket û bo vê armancê jî gelayekî pêşniyarî pêşkêş kirin.

Wan nûnerên Komarîxwaze Amerîka hevdem digel wê daxwazê ku divê givaşa zêdetir bêxne ser rêjîma Îranê, daxwaz kirin ku hewceye dewleta Amerîka piştevaniya nerizayetiya xelkê Îranê bi dijî rêjîma Melayan bike.

Wan rojan hindî diçe aloziyên di navbera Amerîka û Rêjîma Îranê de zêde dibin û egera êrîşa nişkêve a Amerîka û Îsraîl bo ser binkên Navokî û cihên girîg û serbaziye rêjîmê heye.

Kanala 14 a Telivîzyona Îsraîl di raporekê de ragihand ku her gav egera êrîşa nişkêve a Amerîka û Îsraîl bo ser rêjîma Îranê heye, herwisa ragihand ku armanc ji vê êrîşê, ne tenê jinavbirina tevaviye bernama Etomiye rêjîma Îranê ye, belku bo hertim dê rêjîmê û sipaha pastaran a terorîst seqet biket daku bi yêkcarî ev rêjîm biherife.

Wan rojan Amerîka çek û balafirên şerkere istiratêjîk ên cora B 2 û bomhavêjên B 52 û çendîn Navganên şerkere xwe anîne derdora Îran, ku ev jî egera qewimîna şer dide xuya.