Mistefa Hicrî: mangirtina seranserî ya ajotvan û xwediyê kamiyonan yek ji berfrehtirîn şêwazên berxwedana medenî li hember xoseriyên komara îslamî, ye.

Rêzdare “Mistefa Hicrî”, Sekreterê Giştî yê Hizba Dêmokrat a Kurdistana Îranê li derheq mangirtîna befireh û seranserî ya ajotvan û xwediyên kamiyonan li bajarên Rojhilatê Kurdistan û Îranê de peyamek belav kir.

Deqa peyamê wiha ye:

Mangirtina berfireh û seranserî ya ajotvan û xwediyê kamiyonan ku ji dawiya heyva Banemerê ve dest pê kiriye, niha zêdetir ji 160 bajarên Îranê, li xwe girtiye.

Ev nerizayetiya berteknîşandanek li hember rewşa xirab û dijwar a jiyan û bersivdernebûna rêjîmê bi daxwaziyên sendîkayî yên vê  girûpa xisarhilgir a civakê ye. Ew mangirtin niha bûye hêwinê yek ji berfirehtirîn nerizayetiyên sendîkayî û yek ji berfirehtirîn şêwazên berxwedana medenî li hember xoseriyên hikûmî yên rêjîma îslamiya Îranê ye.

Hevdem digel berfirehtirbûna cogfarafiyiya vê nerizayetiyê, navendên ewlehî dîtingeha hertimiya xwe anku, tepeserkirin, binçavkirin û gefxwarin li mangirtiyan li pêş xwe girtiye. Daxuyaniya Sendîkaya seranserî ya ajotvan û xwediyên Kamiyonan ya Îranê, bi serastî, binçavkirin û gefxwarina rêjîmê li mangirtiyan, bi nîşaneyek ji “neşiyan û bêserûberiya hikûmetê li hember sîpela serî hildayî ya mafxwaziya xelkê bêzarbûyî”, daye zanîn.

Em jî tevî piştevanîkirina tevav li vê mangirtinê, hivî dikin ku girûpên din ên civakê, wan bi tenê nehêlin.

Mistefa Hicrî,

Sekreterê Giştî yê Hizba Dêmokrat a Kurdistana Îranê

9ê Cozerdana 1404 a Rojî

Beranber bi 30ê May 2025 a Zayînî