Antoniyo Gotrêş Serokê Saziya Netewên Yekgirtî li rapora xwe bo civîna giştî, zêdebûna bidarvekirinan, îşkencekirina girtiyan li girtîgehan, tepeserkirina azadiyên medenî û cudatîdanîn li dijî jinan û kêmîneyan li Îranê, bi tundî rexne kir û daxwaza sekinandina lezgîn a tevaviya sizayên bidarvekirin û sekinandina hemû sizayên sepandî û azadiya girtiyên siyasî û çalakvanên mafên mirovî kir.
Navbirî li vê raporê de îşare bi bidarvekirina kesên jêr 18 salî anku zarokan, bidarvekirina neraziyan piştî dadgehîkirinek nedadperwerane û bidarvekirinên li ber çavên xelkê jî kiriye.
Antoniyo Gotrêş li vê raporê de îşare bi îşkencekirin û sizakirina fîzîkî wek lêdana qamçiyan û birîna endamê laşê mirovan, sînordarkirina azadiya gotin û lidarxistina kombûnan û bêparkirin jî perwerdê û karkirina zarokan û cudatîdanînên bi dijî kêmîneyan kiriye.
Antoniyo Gotrêş tekezxî kiriye ku rêjîma Îranê heta niha xwe ji wajokirina konvansiyona qedexekirina îşkencekirinê û konvansiyona nehiştina cudatiya li dijî jinan parastiye û daxwaza bersivdana rêjîma Îranê li derheq binpêkirina mafê mirovî jî kiriye.
