Roja Yekşemî 18ê Kanûna Paşîn, Navenda Rewenda Kurdistanê li bajarê Brûkselê, semînarek taybet bi hilkefta 80 saliya avakirina Komara Kurdistanê li bajarê Brûkselê de bo rêzdaran “Dara Natiq, çalakvanê siyasî û Perwer Amed, nivîskar û rewşenbîr” bi beşdariya dehan kesayetiyên siyasî û akademîk bi rê ve bir.
Semînar bi sirûda netewiya “Ey Reqîb” û bîstek bêdengî bo rêzgirtin ji riha Şehîdên Doza Rizgariya Kurd û Kurdistanê, dest pêkir.
Li beşa yekem a Semînarê de rêzdar “Dara Natiq” bas ji dîroka kurt a Komara Kurdistanê kir û got: “Tevî ku Komara Kurdistanê heyamê 330 rojan berdewam bû, lê dîrokek bi şan li dîroka serdem a tevgera rizgarîxwaziya niştimanî ya netewa Kurd de tomar kiriye.
Herwisa navbirî got: Komara Kurdistanê pêşketinxwaz bû û hemû hewlên vê ev bû ku Kurdistan ji karwanê pêşkevtinê paşve nemîne û li reftar digel xelkê xwe û heta dujminên xwe, xwdiyê seha lêbihorînê bû.
Piştre “Perwr Amed, rewşenbîr û nivîskarê Kurd ku pirtûkek taybet bi jiyan û biserhata “Dr. Sadiq Şrefkendî” bi zimanê Tirkî nivîsandiye, li vê semînarê de bi hûrî bas ji jiyana “Dr. Şerefkendî” ji temenê zarokatî heta rol û pêgeha siyasiya navbirî li nav tevgera rizgarîxwaziya netewa Kurd û Hizba Dêmokrat de kir û ev wek rêberek modern û şoreşgêr li Hizba Dêmokrat bi atybet li serdema Sekreteriya vî, binav kir.
