Di berdewamiya zêdebûna alozîyên leşkerî yên li herêmê de, çendîn navendên girîng ên enerjiyê li Erebistana Siûdî û Qeterê rastî êrişên mûşekî û asmanî yên rêjîma Îranê hatin.

​Palavtingeha "SAMREF" li bendera Yenbu ya Erebistanê, ku projeyeke hevbeş a di navbera "Aramco" û "ExxonMobil" de ye, rastî êrişê hat. Çavkaniyên pîşesaziyê dibêjin ku bandora êrişê sînordar bûye.

​Ji ber girtina Tengava Hurmuzê, bendera Yenbu ya li ser Deryaya Sor bûye kite rêya sereke ji bo hinardekirina petrola welatên Kendavê.

​Feysel bin Ferhan, Wezîrê Derve yê Erebistanê, ragihand ku mafê welatê wî yê bersivdana leşkerî heye û bal kişand ser wê yekê ku "kêmtirîn baweriya" ku bi Îranê re mabû, êdî nemaye. Her wiha behsa 4 kesên ku di êrişên berê yên ser Riyazê de birîndar bibûn, kir.

​Şîrketa "Qatar Energy" ragihand ku saziyên gaza xwezayî ya şidandî (LNG) li bajaroka pîşesazî ya "Ras Laffan", ji bo roja duyemîn li pey hev rastî êrişên mûşekî y; rêjîma Îranê hatine; ku ziyaneke mezin gihîştiye wan, lê ziyanên canî tune ne.