​Piştî êrîşên mûşekî yên rejîma Îranê bo ser saziyên enerjiyê yên Qeterê, Wezareta Karên Derve ya wî welatî ragihand ku divê nûnerên serbazî û ewlehiyê yên balyozxaneya Îranê û karmendên wan beşan di nava 24 saetan de xaka wî welatî terk bikin.

​Li gorî gotina berpirsên Qeterî, ev kes wek "kesên nexwestî" hatine naskirin û derkirina wan wek bertekek li hemberî kiryarên dijminane û berdewam ên Îranê hatiye kirin.

​Doha yê her wiha hişyarî daye ku eger ev cure kiryar berdewam bikin, dê rêkarên tundtir ji bo parastina xwe bigire ber.

​Beriya niha kompanyaya "QatarEnergy" ragihandibû ku êrîşa li ser bajaroka pîşesazî ya "Ras Laffan" ziyaneke mezin gihandiye saziyên gazê. Ev herêm yek ji navendên herî girîng ên berhemanîn û hinardekirina gazê ye li navçeyê de.

​Spaya Pasdaran piştî êrîşa ser saziyên "Parsa Başûr", gefa wê yekê xwaribû ku dê binesaziyên enerjiyê yên çend welatên navçeyê, di nav de Qeterê jî, bike armanc.