​Di saetên destpêkê yên sipêdeha îro Yekşemê 2yê Xakelêweyê de, artêşa Îsraîlê qonaxeke nû ji êrîşên xwe yên asmanî bo ser paytexta Îranê û çendîn herêmên din ên wî welatî dest pê kir.

​Artêşa Îsraîlê bi fermî ragihand ku hêzên wan di sipêdeha roja Yekşemê de pêleke êrîşan bo ser Têhranê pêk aniye.

​Li gorî wê daxuyaniyê, ev êrîş wekî bersivdayînekê bûn ji bo wan mûşekên ku çend demjimêran pêştir ji aliyê Îranê ve ber bi du bajarên başûrê Îsraîlê ve hatibûn avêtin.

​Hevdem ligel destpêkirina êrîşan, raporên navxweyî yên Îranê amajê bi wê dikin ku dengê teqînên mezin li çendîn xalên cuda hatine bihîstin.

​Li herêmên rojhilatê Têhranê, bi taybetî li "Pîrozî, Perdis, Demawend, Şehrê-Rey û Weramîn"ê dengê teqînên bi hêz hatine bihîstin û ziyan gihîştiye hin avahiyan.

​Li Ramserê 3 kesan jiyana xwe ji dest dane û li gundê "Destek"ê ku ser bi Kiyaşehrê ye li parêzgeha Gîlanê, 2 kesên din hatine kujtin.

​Her wiha raporên teqînan li bajarên Şîraz, Çabehar, Xurremşehr û Yezdê hatine belavkirin.

​Di heman demê de, bajarên Ehwaz, Endîmeşk, Refsencan û derdora wan bajaran jî bûne armanc.