Di demekê de ku Amerîka di şerê ligel Îranê de bi hezaran serbazên hêza deryayî (Marine) şandine Rojhilata Navîn, artêşa Amerîkayê ragihand ku grûpa yekem ji wan hêzan bi keştiyeke êrîşber a avî-yabî gihîştine navçeyê.

​Li gorî raporeke rojnameya "Washington Post", Pêntagon mijûlî amadekariyan e ji bo operasyonên bejayî yên çend hefteyî di nav axa Îranê de; operasyonek ku renge êrîşên hêzên taybet û peyayên asayî li xwe bigire.

​Hevdem ajansa nûçeyan a "Reuters" belav kiriye ku Pêntagon çend bijardeyên serbazî dinirxîne ku dibe ku şandina hêzên bejayî bo nav Îranê jî di nav de bin.

​Marco Rubio, Wezîrê Derve yê Amerîkayê, pêştir ragihandibû ku artêşa wî welatî dikare bêyî şandina hêzên bejayî bigihîje armancên xwe; lê belê got jî ku hejmarek hêz şandine navçeyê da ku, wek ew dibêje, Donald Trump, ser hemda xwe be bo darêştina stratejiya xwe.

​Donald Trump gef xwariye ku eger Îran Tenga Hurmuzê neveke, wê wêstgehên berhemanîna Berqê û binesaziya enerjiyê ya wî welatî bike armanc. Digel vê yekê, ew dema ku ji bo vê hefteyê diyar kiribû dirêj kir û 10 rojên din da Îranê da ku bersivê bide.

​Li aliyê din, Spaha Pasdaran gef xwariye ku eger binesazî an navendên aborî yên Îranê bibin armanc, dê bi tundî bersivê bidin.