Civînek siyasî di navbera Mediya Pîrotî, nûnera Hizba Dêmokrat a Kurdistana Îranê li Swîsê, û David Wolf, serokê Partiya Gelê Swîsê (SVP) li Horginê de pêk hat.
Civîn ji bo gengeşekirina rewşa siyasî ya li Îranê û pirsgirêka Kurd hate organîzekirin.
Di civînê de, Mediya Pîrotî bal kişande ser zextên siyasî û civakî yên ku ji aliyê rejîma Îslamî ve li ser gelê Kurd têne kirin. Wê destnîşan kir ku Kurd di nav sîstemek dêmokratîk û federal de mafên xwe yên çandî û siyasî yên bingehîn dixwazin.
Di civînê de hate gengeşekirin ku Swîsre dikare rolek weke navendek cîhanî ji bo diyalogê di veguhestina dengê gelên bindest û dîtina çareseriyên dîplomatîk de bilîze.
David Wolf, serokê SVP li Horgen, piştgiriya xwe ji bo ramana sîstemeke federal li Îrana piştî-rejîma Îslamî weke çareseriya herî guncaw ji bo misogerkirina mafên gelan anî ziman. Wî her wiha soz da ku di nav derdorên siyasî yên partiya xwe de pirsgirêka Kurd û rewşa Rojhilatê Kurdistanê bêtir nîqaş bike.
