Demjimêr 9:15ê şeva pêncşemê, 27ê Xakelêweyê, careke din bi du dironan nêzîkî Kampa Azadiyê, cihê niştecihbûna malbatên Hizba Demokrat li nêzîkî bajarê Koyeyê hat armancgirtin.

​Her di berdewamiya êrişên dironî yên Komara Îslamî de bo ser kampên hizbên Rojhilatê Kurdistanê, danê nîvroya îro Kampa Zirgwêz, cihê niştecihbûna malbatên Komeleya Şoreşger a Zehmetkêşên Kurdistana Îranê li sînorê Silêmaniyê jî hatibû armancgirtin. Herwiha roja çarşemê 26ê Xakelêweyê jî, Kampa Dêgeleyê ya Hizba Demokrat û binkeyeke Partiya Azadiya Kurdistanê (PAK) bo çendîn car bi dironan hatibûn armancgirtin.

​Komara Îslamî ya Îranê ji destpêka şerê bi Amerîka û Îsraîlê re heta niha, bi zêdetirî 112 mûşek û dironan kampa malbatên Hizba Demokrat a Kurdistana Îranê û bingehên tenduristî û perwerdehiyê yên vê hizbê kiriye armanc.