Donald Trûmp, Serokkomarê Dewletên Yekbûyî yên Amerîka, ragihand ku di rewşekê de ku bi Îranê re negihîjin lihevkirinê, wê şer û êrîş careke din dest pê bikin.

​Navborî di hevpeyvînekê de ligel nûçegihanên Koşka Spî got ku Îranê bi radestkirina oraniyoma xwe yên dewlemendkirî razîbûna xwe nîşan daye û alî ji bo bidawîanîna şeş hefteyên pevçûnan, ji lihevkirinê nêzîk bûne.

​Trûmp zêde kir ku civîna bê ya ligel berpirsên Komara Îslamî ji bo gotûbêjkirina lihevkirina dawî, wê di vê hefteyê de birêve biçe û îhtîmala beşdariya wî bi xwe jî di van danûstandinan de heye.

​Navborî amaje bi pêvajoya danûstandinan kir û ragihand ku wan qebûl kiriye tiştê ku ez jê re dibêjim "toza etomî" radestî me bikin. Herwisa tekez kir ku îhtîmala gihîştina bi lihevkirinê gelek e û got ku Îran ne tenê bi her tiştî, lê belê bi piraniya daxwazan razî bûye.

​Trûmp di berdewamiya axaftinên xwe de careke din tekezî li ser dijberiya xwe ya ji bo bidestxistina çekên etomî ji aliyê Îranê ve kir û berpirsên Îranî di van guftûgoyan de wek aqilmend wesif kirin.