​ Hevpeyvendiya Giştgir ji bo Azadî û Wekheviyê li Îranê", di daxuyaniyekê de bi tundî êrişên dironî bo ser Hizba Demokrat li Herêma Kurdistanê şermezar kirin.

​Di daxuyaniyê de hatiye diyarkirin ku roja Înê, tenê çend roj piştî êrişa li ser binkeya Komeleya Zehmetkêşên Kurdistanê û şehîdbûna "Xezal Mewlan", careke din kampa niştecihbûna malbatên Hizba Demokrat hatin kefte ber êrîşê. Li gorî zanyariyan, di vê êrişê de 3 kesan bi navên "Semîra Ellahyarî, Nida Mîrî û Şahîn Azerberîn" jiyana xwe ji dest dane û çend kesên din jî birîndar bûne.

​Komara Îslamî di demekê de behsa kêmkirina şer û aloziyan dike, lê berdewam e li ser êrişkirina ser cihên niştecihbûna malbat û xelkê sivîl. Ev pêngav wekî beşek ji siyaseta serkutkirina derveyî sînoran û terora dewletî hatine pênasekirin ku armanca wan têkdana ewlehiyê û jinavbirina fîzîkî ya neyarên siyasî ye.

​Êrişa ser binkeyên partiyên Kurdistanê, binpêkirina eşkere ya serweriya axa Iraqê û têkdana ewlehiya Herêma Kurdistanê ye. Her wiha bêdengiya navendên navdewletî wekî sedemek ji bo berdewamiya van tundûtûjiyan hatiye binavkirin û daxwaza helwesteke cidî hatiye kirin.

​Hevpeyvendiya Giştgir daxwazê ji hikûmetên Iraqê, Herêma Kurdistanê û Neteweyên Yekbûyî dike ku bi lez û rasterast lêkolînê li ser van êrişan bikin û ewlehiya kamp û binkeyên niştecihbûnê biparêzin. Di dawiyê de jî hatiye diyarkirin ku ev êriş nîşana tirsa desthilatê ye ji hêzên rêxistinkirî yên ku li ser azadî û mafê diyarkirina çarenivîsê rijd in.