Rejîma Komara Îslamî ya Îranê di berdewamiya êrîşên xwe de bo ser kampên malbatên sivîl ên Hizba Demokrat, careke din bi dronan kampa "Girdêçal" li nêzîkî Hewlêrê kir armanc.

​Saet 10 û 25 xulekên şeva Înê, 28ê Xakelêweyê, Komara Îslamî ya Îranê bi dronekê êrîş kire ser cihê akincîbûna malbatên Hizba Dêmokrat li Girdêçalê li nêzîkî bajarê Hewlêrê.

​Êrîşa Komara Îslamî di demekê de ye ku piştî nîvroya roja Înê, 28ê Xakelêweyê, bi dron û mûşekan êrîşî ser kampên sivîl ên Hizba Demokrat a Kurdistana Îranê kiribû. Ji ber wê êrîşê bav û kurek şehîd û birîndar bûn. Di vê êrîşê de Şahîn Azerberzîn şehîd bû û Nadir Azerberzîn (bavê Şahîn) bi giranî birîndar bûye.

​Her wiha di êrîşeke din de bo ser komek ji pêşmergeyên partiyê, du pêşmergeyên keç bi navên Neda Mîrî û Semîra Ellahyarî şehîd bûne û çend pêşmergeyên din jî birîndar bûne.

​Her wiha şeva Pêncşemê, 27ê Xakelêweyê, rejîma Îranê bi du dronan nêzîkî kampa Azadiyê, cihê niştejibûna malbatên Hizba Demokrat li nêzîkî Koyeyê kiribû armanc.

​Komara Îslamî ya Îranê ji destpêka şerê ligel Amerîka û Îsraîlê ve heta niha bi zêdetirî 116 mûşek û dronan kampa malbatên Hizba Demokrat a Kurdistana Îranê û bingehên tenduristî û perwerdehiyê yên vê partiyê kiriye armanc.