Serokê dezgeha bi nav dadwerî ya Komara Îslamî careke din tekezî li ser bilezkirina lêkolîna dosyeyên girtiyan kiriye û daxwaz kiriye ku "rêrewa asayî" di proseya darizandinê de danêne vê de; ev helwest jî fikarên derbarê rewşa mafên tometbaran zêdetir kiriye.

​Xulampisên Mihsênî Ejeyî di gotarek nû de ragihandiye ku di rewşa niha de, dezgeha dad divê bi "arayîşa cengî" kar bike û dosyeya ew kesên ku wek "hevkarên dijmin" navê wan dibe, di demekî kurt de lêkolîn ji bo wan bê kirin.

​Herwisa pêşniyar kiriye ku di hinek rewşan de, lêkolîna tometbaran heta di nav zîndanan de û li derveyî rêrewa asayî ya dadwerî bê encamdan.

​Ejeyî herwisa tekez kir ku derbarê destbeserkirina mal û milkên sizadyîyan de "divê tu nermî neyê nîşandan û cîbicîkirina hukman, çi ewên girêdayî sêdarê bin û çi yên girêdayî destbiserkirina mal û milk bin, nabe tu derengxistin û xemsariyek tê de hebe."

​Ev nêrîn di demekê de tê pêşandin ku di hefteyên borî de çendîn rapor derbarê girtina bikom a hemwelatiyan bi tometên giştî wek "nîştimanfiroşî", "sîxurî" û "xiyanet" hatine belavkirin, bêyî ku zanyariyeke zelal derbarê nasnameya girtiyan an proseya dadigehîkirana wan bê eşkere kirin.