Li gorî rapora Reutersê, welatên erebî yên li devera Kendavê Nîgeraniya xwe li hember proseya danûstandinên navbera Amerîka û Îranê nîşan dane. Ew di wê baweriyê de ne ku ev gotûbêj dibe ku li şûna kêmkirina aloziyan, bibe sedema bihêziya pêgeha stratejîk a Îranê di Tengava Hormozê de.

​Li gorî vê raporê, hin welatên herêmê dibêjin ku hûrbûna danûstandinan li ser dosyeya navokî ya Îranê, bûye sedema kêmkirina baldarî li ser ewlehiya keştîvaniyê û rola Îranê di yek ji girîngtirîn rêyên veguhastina enerjiyê ya cîhanê de.

​Herwisa, rayedarên herêmî hişyarî dane ku her rêkeftinek ku nebe sedema guhertina vê rewşê, dikare bibe sedema bihêzkirina pêgeha Îranê di rêyên girîng yên hinardekirina enerjiya navneteweyî de.

​Lêkolîner di vê raporê de tekez dikin ku Tengava Hormozê bûye yek ji xalên sereke yên têkiliyên navbera Washington û Tehranê; di demekê de ku nîgeraniyên ewlekarî yên welatên derdora Kendavê di vê proseyê de kêm hatine berçavgirtin.

​Di encama raporê de hatiye diyarkirin ku berdewamiya vê rewşê dikare bibe sedema çespandin û mayindebûna rola jeopolîtîk a Îranê di vê tengava stratejîk de.