Mamoste Qerenî Qadirî, nivîskar û bîrmendê Rojhilatê Kurdistanê, çû ber dilovaniya Xwedê.

​Roja 30’ê Xakelêweyê (21’ê Nîsanê), rewşenbîr û bîrmendê siyasî yê Kurd, Mamoste Qerenî Qadirî (Bayîz Axayê Mamêş), di temenê 64 saliyê de li Herêma Kurdistanê koça dawî kir.

​Koçberî di sala 2007’an de (1386’ê Rojî), ji ber hestên xwe yên kurdewarî û çalakiyên siyasî ku ketibû bin zextên dezgehên ewlehiyê yên rejîmê, Rojhilatê Kurdistanê bi cih hişt û berê xwe da Başûrê Kurdistanê.

​Wek nivîskar û şîrovekarê siyasî kar dikir. Gotarên wî di gelek dezgehên medyayî yên Başûr de, bi taybetî di rojnameya "Kurdistan" de dihatin weşandin.

​Zêdetir li ser pirsên siyasî yên Rojhilatê Kurdistanê, doza Kurd û têkiliyên navdewletî dinivîsand.

​Qerenî Qadirî kesayetiyekî naskirî û xweşewist bû û xwedî pêgehek bilind a malbatî bû. Di nava şoreşa Rojhilat û bi taybetî di nava Hizba Demokrat a Kurdistana Îranê (PDKÎ) de roleke berçav hebû. Wek mamoste di warên siyasî, rojnamegerî, civakî û metodên xebata medenî de, di astên cuda de ders dane.

​Di qonaxa xebata nû ya bajêr û çiya de ku bi navê "Rasan" tê naskirin, ji bo şîrovekirin û darêştina xebata pêşmerge û diyarkirina erkên xelkê, di dehan seminar, konferans û civînan de xwedî rol bû.

​Mixabin roja 30’ê Xakelêweyê ji ber nexweşiyekê di temenê 64 saliyê de li bajarê Hewlêrê koça dawî kir.

Bi vê boneyê: Şandeke rêberiya Hizbê beşdarî merasîma sersaxiya wî ya li bajarê Selahedînê bû.

​Şandeya PDKÎ bi serpêrştiya Mihemed Nezîf Qadirî, endamê Desteya Kargêrî, hevxemiya xwe bi malbat û kesûkarên xwedêjêrazî re ragihand.

​Navenda Ragihandina PDKÎ sersaxî li malbat û gelê Kurd kir û koça dawî ya vî bîrmendê têkoşer wek ziyaneke mezin ji bo tevgera Kurd bi nav kir.