Ajansa nûçeyan a "CNN" belav kir ku eger agirbest bişkê, artêşa Amerîkayê planên nû ji bo lêdana pêgehên Spaha Pasdaran li Tengava Hormoz û derdora wê amade kirine.

​Di van planên nû de tekezî li ser "armancgirtina bilez û gorc" hatîye kirin; ku belemên Spaha Pasdaran, keştiyên mînrijên û hemû amûrên leşkerî yên ku Îran ji bo girtina vê rêrewa stratejîk bi kar tîne, lixwe digire.

​Li gorî raporê, Amerîka di meha yekem a şer de zêdetir bala xwe dabû ser kûrahiya axa Îranê, lê di plana nû de Pentagon dixwaze şiyana deryayî ya Îranê li Kendav û Deryaya Omanê bi tevahî ji nav bibe.

​Ev di demekê de ye ku Trump agirbest ji bo demeke nenas dirêj kiriye, heta ku yan bigihin rêkeftineke guncaw, yan jî bi rêya êrîşa leşkerî dawî li gefên Tehranê bînin.