Wezîrên derve yên welatên Ereb li ser daxwaza Behreynê civîneke awarte li dar xistin. Mijara sereke ya civînê, gefên Komara Îslamî ya Îranê yên ji bo girtina Tengava Hormozê û têkdana ewlehiya deryayayî a navneteweyî bû.

​Di daxuyaniya dawî ya civînê de, wezîrên Ereb tekez kirin ku her hewildanek ji bo girtina Tengava Hormozê an Bab el-Mendeb, binpêkirina eşkere ya yasaya navneteweyî ye. Wan Îran wekî "berpirsê tam" ê zirarên aborî û darayî yên aloziyên dawî bi nav kir û daxwaz kirin ku Tehran xisara hemû zirarên hatine dîtin bide. Her wiha, ji Şêwreya Ewlekariya Neteweyên Yekbûyî hat xwestin ku ji bo parastina azadiya rêreva deryayî bikeve tevgerê.

​Li aliyê din, Berdevkê Wezareta Derve ya Îranê, Îsmaîl Beqaî, ev daxuyanî red kir. Beqaî hişyarî da welatên herêmê ku ax û asanên xwe nedin destê Amerîka û Îsraîlê ji bo êrîşên li ser Îranê, nexwe ew ê bi xwe berpirsiyar bin.

​Sekreterê Giştî yê Komara Ereban, Ehmed Ebûl Geyt, destnîşan kir ku welatên Ereb nabin "rehîn" ji bo hesabên herêmî yên Îranê. Ev sêyemîn civîna awarte ya wezîrên Ereb e ku nîşana zêdebûna zextên siyasî yên herêmî li ser Tehranê ye.