Li ser daxwaza Hevpeymaniya Partiyên Siyasî yên Kurdistana Îranê, ji bo bibîranîna şehîdên partiyên Rojhilatê Kurdistanê û şehîdên Başûrê Kurdistanê, li bajarê Zurîxê li Swîsê merasîmek hat lidarxistin.

​Di vê merasîmê de, endamên partiyên nav hevpeymaniyê û mêvanên ji her çar parçeyên Kurdistanê beşdar bûn. Amadebûna wan careke din tekezî li ser girîngiya yekitiyê û hevsoziya neteweyî di vê qonaxê de kir.

​Destpêka bernameyê bi sirûda neteweyî ya "Ey Reqîb" û deqeyek bê dengî bo rêzgirtin ji şehîdên Kurd û Kurdistanê dest pê kir. Paşê, beşdarbûyan bi danîna destegulan li ser wêneyên şehîdan, wefadariya xwe ji bo rêbaza wan a pîroz nîşan dan.

​Di beşeke din a merasîmê de, peyama Hevpeymaniya Partiyên siyasî yên Kurdistana Îranê ji aliyê Kak Îdrîs Muradî ve hat xwendin.

​Beşeke din a merasîmê ji bo beşên hunerî û edebî hatibû veqetandin bo koma muzîkê bi sirûdên neteweyî rewşekî hamasî da salonê û çendîn helbest jî hatin pêşkêşkirin ku bi germî hatin pêşwazîkirin.

​Di dawiyê de, amadebûyan tevî tekezîkirina li ser berdewamiya hevpeymaniya navbera partiyan wek xaleke werçerxanê di dîroka têkoşînê de, daxwaz ji civaka navneteweyî kirin ku kiryarên Komara Îslamiya Îranê şermezar bike.