Di berdewamiya bombebarankirina benderên başûrê Îranê de, navenda etomî ya Bûşehrê ket ber êrîşê û ziyan dît.

​Li gorî rapora çavkaniyên nûçeyan ên navxweyî yên Îranê, sibêha îro Şemî 15ê Xakelêweyê (Nîsanê), êrîş hatibû kirin ser bendera Bûşehrê û çirûsk û perçeyên teqînê li devera parastî ya naveda etomî ya wî bajarî ketine.

​ Paşmayên teqemeniyekê li nêzîkî navenda etomî ya Bûşehrê ketine xwarê û ji ber pêla teqînê ziyan gihîştiye yek ji avahiyên kêleka binka etomî. Her wiha hatiye ragihandin ku personelên beşa parastina fîzîkî ya naveda etomî di vê êrîşê de hatine kuştin.

​Ev cara çarem e ku di vî heyamê de êrîş tê kirin ser binkê etomî ya Bûşehrê, lê çavkaniyên rejîmê behsa wê dikin ku ziyan negihîştiye beşên sereke yên santralê û çalakiyên etomî berdewam in.

​Hevdem ligel tundbûna êrîşan, biryar e di vê hefteyê de nêzîkî 200 personelên Rûsî ji binkê Bûşehrê derkevin û vekişin. Cihê balê ye ku hefteya borî jî Rûsyayê ragihandibû ku 163 kes ji pispor û karmendên xwe ji wê deverê vekişandine.