Hêza asmanî ya Îsraîlê di êrîşên dijwar ên şeva borî de li ser Têhranê, çendîn bingehên stratejîk ên parastina asmanî û embarên mûşekan ên Komara Îslamî jinav birin.

​Li gorî daxuyaniyeke artêşa Îsraîlê ku îro sibê şemiyê 15ê Xakelêweyê hatiye belavkirin, di pêleke nû ya êrîşên asmanî de, saziyên parastina asmanî yên rejîma Îranê li seranserî Têhranê hatine armancgirtin.

​Artêşa Îsraîlê ragihand ku yek ji armancên sereke, bingeheke parastina asmanî ya ser bi Spaha Pasdaran bûye, ku mûşekên taybet bi lêdana firoke û armancên asmanî tê de hatibûn depokirin. Her wiha bingeheke din a leşkerî ku erkê parastina navendên lêkolîn û geşepêdana çek û cebilxaneyên Îranê li ser milê wê bû, ji aliyê firokeyên şer ve hatiye armancgirtin û teqandin.

​Hevdem ligel van êrîşan, ew cihên ku mûşekên balîstîk lê dihatin ragirtin, ligel navendên berhemanîna, lêkolîn û geşepêdana sîstemên cihêreng ên çek û cebilxaneyan, ketine ber derbên firokeyên şer ên Îsraîlê.

​Ev êrîş beşek in ji stratejiya lawazkirina şiyana leşkerî ya Komara Îslamî û jikarxistina wan jêrxanan ku rejim ji bo têkdana ewlehiya herêmê bi kar tîne.