​Di pêngaveke nû de ji bo tundkirina dorpêçên navdewletî li ser rejîma Îranê, dewleta Arjentînê bi fermî Spaha Pasdaran wekî rêxistineke terorîstî nas kir.

​Roja sêşemê 11ê Xakelêweyê, Arjantînê di daxuyaniyekê de ragihand ku ev biryar ji ber rol û bandora têkderane ya Spaha Pasdaran û piştgirîkirina wê ji komên terorîstî yên mîna Hizbullaha Libnanê hatiye girtin.

​Arjantîn, rejîma Îranê û Spaha Pasdaran wekî darêjerê pilana sereke yên teqîna terorîstî ya sala 1994an a navenda "AMIA" li Boynês Airesê dibîne, ku tê de 85 kes bûn qurbanî.

​Ev biryara nû ya Arjantînê, rejîma Têhranê di asta navdewletî de zêdetir ber bi îzolebûnê ve dibe û dibe sedema tundtirbûna dorpêçên siyasî li ser Komara Îslamî, ku nîşaneyek e ji bo hevahengiya zêdetir a Arjantînê bi siyaseta Waşingtonê yên li dijî Têhranê re.

​Di warê pratîkî de jî, ev pêngav rê xweş dike ji bo sepandina cezayên darayî yên giran û blokekirina hemû mal û milk û bingehên aborî yên ser bi Spaha Pasdaran û saziyên wê li wî welatî.

​Beriya niha jî Amerîka û çendîn welatên din ên Ewropî, Spaha Pasdaran wekî hêzeke terorîstî û têkder di herêmê û cîhanê de nas kiribûn. Ev biryara Arjantînê rûpeleke din di dîroka reş a destwerdanên terorîstî yên Komara Îslamî de li derveyî sînoran vedike.