Artêşa Îsraîlê ragihand ku di şev û roja borî de, 120 armanc di nav axa Îranê de jinav birine, di nav wan de sîstemên parastina asmanî, saziyên mûşekên balîstîk û navendên ragirtin û avêtina dronan hene ku ji aliyê hêza asmanî ya wî welatî ve hatine hedefgirtin.

​Li gorî daxuyaniya artêşa Îsraîlê, ev êrîş li herêmên rojava û navenda Îranê hatine kirin û armanc jê "nîşandana serdestiya asmanî û kêmkirina gefên rasterast li ser balafirên hêza asmanî yên Îsraîlê" bûye.

​Artêşa Îsraîlê tekez kiriye ku ev operasyon dê bê rawestan berdewam bike û ew sîstemên parastinê yên ku hatine têkbirin, gefeke cidî bûn li ser balafirên leşkerî yên Îsraîlê.

​Îsraîlê her wiha ragihandiye ku ew armancên êrîş li ser wan hatiye kirin, ji saytên ser bi yekeya mûşekên balîstîk ên Spaha Pasdaran, navendên embar û cihê avêtina dronan û sîstemên parastina asmanî pêk tên.

​Artêşa Îsraîlê di dawiyê de ragihandiye ku ji navbirina van amûran, şiyana hêza asmanî ya Îsraîlê ji bo kontrolkirina asmanê Îranê diparêze û bihêztir dike.