Li gorî agahiyên hatine bidestxistin, îro danê sibehê (Yekşem) balafirên şer ên Îsraîlê li herêma Rojhilatê Kurdistanê du xalên stratejîk kirin hedef. Di encama van êrîşan de li ser rêya Sine-Kamyaranê, lançêreke avêtina mûşekan û kamyoneke barhilgir bi hatin teqandin.

​Herwisa êrîşên ku danê sibehê li deverên Pîranşarê pêk hatin, bi taybetî du herêmên girîng ên bi navê Badînawê û Sergirde kirin hedef. Li gorî çavkaniyên herêmî, ev herêm wekî xalên stratejîk ên leşkerî dihatin bikaranîn û lêgerîna çalakiyên mûşekî lê dihatin kirin.

​Tê zanîn ku ev herêma hatiye bombekirin, di demên borî de gelek caran ji bo êrîşên mûşekî yên li ser Herêma Kurdistanê û baregehên partiyên Rojhilatê Kurdistanê dihat bikaranîn. Çavdêrên leşkerî diyar dikin ku lêdan û teqandina wan binkeyên leşkeriye rêjîmê û van lançer û mûşekan, dê bibe sedema kêmkirina gefên mûşekî yên li ser herêmê.

​Heta niha derbarê ziyanên canî de agahiyên fermî nehatine parvekirin, lê dîmenên ji herêmê nîşan didin ku kamyon û amûrên serbazî bi temamî ji nav çûne.