​Dezgeha bi navê dadwerî ya Komara Îslamî, nûçeya îdamkirina "Elî Fehîm", yek ji girtiyên xwepêşandanên meha Befranbara 1404an belav kir.

​Roja duşemê 17ê Xakelêweyê hate ragihandin ku sizayê îdamê û desteserkirina mal û milk Elî Fehîm bi tohmeta "beşdarî di çalakiyên li dijî ewlehiya welat de" hatibû sepandin, ev siza hate cîbicîkirin.

​Li gorî vê raporê, navborî êvariya 18ê Befranbara 1404an tevî sê kesên din hatibû girtin.

​Di heman dosyayê de, Mihemed Emîn Bîglerî û Şahîn Wahîdperest jî rojek berê hatin îdamkirin. Emîrhusên Hatemî, tohmetbarekî din ê vê dosyayê, hefteya borî hat îdamkirin û di heman demê de "Ebulfazl Salihî Siyaveşanî" hîn di bin metirsiya cîbicîkirina cezayê îdamê de ye.

​Di vê çarçoveyê de, Volker Türk, Komîserê Bilind ê Mafên Mirovan ê Neteweyên Yekbûyî, di 12ê Xakelêweyê de daxwaza rawestandina bilez a hemû îdamên li Îranê kir.

​Her wiha Rêxistina Efûyê ya Navneteweyî (Amnesty International) daxwaz ji civaka navneteweyî kiribû ku gavên bibandortir bavêjin ji bo zêdekirina guşaran li ser berpirsên Komara Îslamî û betalkirina cezayên îdamê.