​Li gorî raporan, ji şeva borî ve heta serê sibêya duşemê 17ê Xakelêweyê, pêleke êrîşên asmanî yên berfireh li deverên cuda yên Îranê dest pê kiriye û bi dehan bajar bi awayekî hevdem bûne armanca teqîn û bombebaranên giran.

​Li Têhranê, li herêmên wekî Lewîzan, derdora Zanîngeha Malik-ê Eşter, Nizamabad, Narmek, Têhranpars, Sebelan, Merzdaran, Selsebîl, Mehmûdabad, Pasdaran û derdora Balafirgeha Mêhrabadê teqînên pir bi hêz pêk hatine.

​Rapor behsa çendîn teqînan li Selsebîlê, êrîşên ser saytên Parçîn û Bîdgenê û bilindbûna dûkelê li derdora Meydana Azadiyê û bakurê Mêhrabadê dikin, her wiha sîstema parastina asmanî jî bi awayekî berfireh ketiye kar.

​Di vê çarçoveyê de, "Zanîngeha Sanatî ya Şerîf" hat armancgirtin û di encamê de beşek ji wê zanîngehê, ji wan avahiya Navenda Têknolojiyê û mizgefta zanîngehê, zirar dîtine.

​Li Kerec, Beharistana Têhranê û Qumê jî çendîn êrîşên plankirî hatine kirin.

​Hevdem bajarên Şîraz (di nav de balafirgeh), Tewrêz bi teqînên gelek bi hêz, Xurumawa, Kirmanşan, Bûşehr, Ehwaz, Bender-Ebas, Bender-Lenge, Bender-Kengan, Haciabad û Abadan jî bûn armanc.

​Li gorî çavkaniyan, ev operasyona berfireh bi awayekî hewaheng ji aliyê Amerîka û Îsraîlê ve hatiye encamdan û tundiya wê li gorî rojên borî bi awayekî berçav zêde bûye.