Cîgirê Serokê Amerîkayê, Jêy Dî Vance, piştî 21 saetan danûstandinên dijwar li bajarê Îslamabadê yê Pakistanê, ragihand ku Amerîka û Îranê negihiştine tu lihevkirinekê. Vance diyar kir ku şanda Amerîkî bi destê vala vedigere Washingtonê, ji ber ku Tehranê nepejirand ku şertên wan qebûl bike.

​Vance di axaftina xwe de bal kişand ser "hêlên sor" ên Amerîkayê û got: "Armanca me ya sereke bidestxistina pabendiyeke mayînde bû ku Îran nebe xwediyê çeka navokî. Her çend navend û binkeyên wan ên berê hatine rûxandin jî, me di nêrîna wan de dilsoziyeke demdirêj nedît." Wî her wiha destnîşan kir ku ev encam ji bo Îranê "nûçeyeke xerabtir e" û Amerîka di daxwazên xwe de gelek "nêrm û bi niyeta baş" tevgeriyaye.

​Di nava danûstandinan de, Vance bi berdewamî bi serok û tîma ewlehiya neteweyî (wekî Marco Rubio û Pete Hegseth) re di pêwendiyê de bûye. Wî di dawiyê de ragihand ku dema ku tîma Amerîkî amadekariya derketina ji Pakistanê dikir, wan "pêşniyara herî dawî û herî baş" pêşkêşî Îranê kiriye û niha li benda bersivê ne,.