Roja 22ê Xakelêweya 1405ê rojî, şandeke Hizba Demokrat a Kurdistana Îranê (PDKÎ) ku ji Baha Îbrahîmî, Aso Ezîzî, Hisam Destpîş û Saman Elewî pêk hatibû, li bajarê Brukselê beşdarî merasîma rêzlêgirtina Dr. Xusrew Ebdulahî, endamê berê yê rêberiya PDKÎ bûn.

​Merasîm bi sirûda neteweyî ya "Ey Reqîb" û deqeyek bêdengî ji bo rêzgirtin li giyanê pak ê şehîdên Kurd û Kurdistanê dest pê kir.

​Piştre kurtefîlmek li ser jiyan û xebata Dr. Ebdulahî hate nîşandan.

​Di beşa duyem a merasîmê de, çendîn partî û aliyên siyasî yên Kurdistanî wek Partiya Demokrat a Kurdistanê (PDK), Yekîtiya Niştimanî ya Kurdistanê, Kongreya Neteweyî ya Kurdistanê û her wiha çendîn kesayetên siyasî û akademîsyen beşdar bûn û peyamên xwe yên rêzlêgirtinê pêşkêş kirin.

​Beşa sêyem hatibû terxankirin bo kesayetên siyasî û akademîk ên ku bi rêya vîdyoyê peyamên xwe amade kiribûn û peyamên wan hatin weşandin.

​Piştî vê beşê, peyama malbata Dr. Xusrew Ebdulahî ji aliyê Erdalan Ebdulahî ve hate xwendin.

​Di dawiyê de, xelata rêzlêgirtinê ji aliyê komîteya amadekar ve pêşkêşî Dr. Xusrew Ebdulahî hate kirin û deste gul a rêzlêgirtinê jî ji aliyê şandeya Hizba Demokrat ve pêşkêşî wî hate kirin.