Serokkomarê Dewletên Yekbûyî yên Amerîka di daxuyaniyên xwe yên herî dawî de derbarê rêjîma Komara Îslamî de got ku şiyana leşkerî ya vê hikûmetê bi giranî ji nav çûye û êdî nabe ku îzn pê bête danê ku bikare bigihîje çekên navokî.

Donald Trump got: "Komara Îslamî ne hêza deryayî heye, ne hêza asmanî, ne alavên dij-asmanî û ne jî rêber."

Wî tekez kir: "Em nikarin rê bidin ku çekên navokî li cem wan hebin; nexwe hûn ê bi pirsgirêkên weha re rûbirû bibin ku tu kes bawer nake."

Serokkomarê Amerîka ragîhand ku niha berhevdanekê li ser egera ji nû ve êrîş û bombebarankirina rêjîma Îranê dike.

Ev gotin di berdewamiya helwestên tund ên hikûmeta Trump de li dijî Komara Îslamî têne ziman; helwesteke ku li ser ji navbirina şiyana leşkerî ya hikûmetê û tekezî li ser rêgirtina ji gihîştina wê bi çekên navokî ye.