Tevî agirbesteke lerzok, aloziyên di navbera Amerîka û rêjîma Îranê de li Tengava Hormozê gihîştine asteke metirsîdar. Li gorî nirxandinên dezgeha zaniyariyên Amerîka, Tehran dikare çend mehên din li hember dorpêçên deryayî li ber xwe bide, ku ev yek metirsiya dirêjbûna şer û bêîstîkrariya herêmê zêde dike.

Ajansa Reuters ragihand ku di rojên dawî de, piştî agirbesta meha borî, Tengava Hormozê bûye qada pevçûnên herî dijwar di navbera hêzên deryayî yên her du welatan de. Artêşa Amerîkayê diyar kir ku wan rê li ber du keştiyên Îranî girtiye; li aliyê din, Tehranê Waşîngton bi binpêkirina agirbestê û "serkêşiya leşkerî" tawanbar kir.

Hevdem, Îmarat careke din rastî êrîşên mûşekî û dironî yên Îranê hat, lê sîstema parastinê karî wan têk bibe. Tehran welatên ku cih dane baregehên Amerîka, dike armanc. Di warê dîplomatîk de, Wezîrê Derve yê Amerîka Marko Rubiyo li benda bersiva Tehranê ya ji bo pêşniyara aştiyê ye, lê Îran dibêje ew hîn lêkolînê dikin. Girtina vê tengavê, ku rêya 1 li ser 5 a nefta cîhanê ye, aboriya navdewletî xistiye rewşeke tevlîhev de.