Artêşa Îsraîlê ragihand ku hêzên wan tuneleke bin erdê li herêma gundê Mecdel Zûn li başûrê Libnanê, di nav sînorê ku wekî "herêma ewlehiyê" tê naskirin de, peyda kirine û teqandine, tunelek ku li gorî gotina artêşa Îsraîlê bi karanîna amûrên Komara Îslamî ya Îranê hatibû çêkirin.

Berdevkekî artêşa Îsraîlê roja yekşemê got, ev tunela ku dirêjahiya wê zêdetirî 200 metre û kûrahiya wê zêdetirî 25 metrî bû, bi karanîna teknolojî û pisporiya Komara Îslamî ya Îranê hatibû çêkirin.

Wî berdevkî rûnî kir ku di nav vê tunelê de bi sedan parçe çek û çar platformên avêtina raketan ku ber bi axa Îsraîlê ve hatibûn danîn, hatine aşkerekirin.

Artêşa Îsraîlê herwisa ragihand ku ew ê ji bo rakirina gefên li ser hêzên xwe, li herêma ewlehiyê ya başûrê Libnanê berdewamiyê bide operasyonên xwe û dê rê nede ku Hizbullah ewlehiya welatiyên Îsraîlê û hêzên artêşa vê welatî bixe metirsiyê.

Artêşa Îsraîlê berdewamiyê dide operasyonên xwe yên li dijî Hizbullahê girûpa niyabî ya Komara Îslamî. Lubnan û Îsraîlê herî dawî li ser çarçoveyekê ji bo bêçekkirina Hizbullahê peymaneke sêalî îmze kirin ku Amerîka jî beşek ji wê ye.